Dydd Gwener, 6 Awst 2010
Mae cyfle i drigolion Cymru osod atal cam-drin plant yn rhywiol ar yr agenda wleidyddol, diolch i ymgyrch newydd gan Stop it Now! Cymru.
Stop it Now! Cymru yw’r unig ymgyrch ledled y wlad sydd wedi’i neilltuo i atal cam-drin plant yn rhywiol. Ar 26 Gorffennaf, mae’n lansio ymgyrch newydd i bwyso ar bob plaid wleidyddol i gynnwys amddiffyn plant rhag niwed rhywiol yn eu maniffestos arfaethedig, wrth iddynt baratoi ar gyfer etholiadau’r Cynulliad yn 2011.
Mae’r ymgyrch, a elwir yn Ymrwymo i Atal! yn caniatáu i aelodau o’r cyhoedd gyfrannu at yr ymgyrch trwy lofnodi deiseb, a lledaenu’r neges trwy eu rhwydweithiau cymdeithasol fel Facebook a Twitter yn ogystal ag oddi ar lein trwy ddefnyddio posteri, llythyrau, taflenni ac ati.
Dywedodd Rheolwr Ymgyrch Genedlaethol Stop it Now! Cymru, Rebecca Wasinski: "Mae’n bwysig bod y pleidiau gwleidyddol yn cofio am bwysigrwydd atal cam-drin plant yn rhywiol wrth iddyn nhw baratoi maniffesto. Mae cam-drin rhywiol yn effeithio ar un ymhob chwech o blant cyn iddynt gyrraedd 16 oed, ac mae’n difrodi cymaint o fywydau. Mae’n hanfodol ein bod ni’n ymegnïo i atal y gamdriniaeth yma. Mae angen strategaeth genedlaethol Cymru-gyfan arnom ni i gynllunio a darparu gwasanaethau a fydd yn cyfrannu’n helaeth tuag at amddiffyn plant. Rydyn ni’n gwybod beth fydd yn helpu, ac mae angen i ni ddechrau darparu’r cymorth yma."
Yn anad dim, mae ymgyrch Ymrwymo i Atal yn galw am:
* Ymgyrch genedlaethol i gynnig gwybodaeth i’r cyhoedd er mwyn cynyddu ymwybyddiaeth o raddfa cam-drin plant yn rhywiol, a’r camau y gall pob un ohonom eu cymryd i’w atal.
* Addysg i rieni a gofalwyr ynglŷn â sut helpu i atal cam-drin plant yn rhywiol, gan gynnwys magu gwytnwch yn y plant, cyfathrebu’n agored ac onest, a gosod a pharchu ffiniau ymddygiad.
* Addysg i blant a phobl ifanc mewn ysgolion a lleoliadau ieuenctid ynglŷn â pharch mewn perthnasau, ffiniau ymddygiad rhywiol, caniatâd a chyffwrdd priodol.
* Hyfforddiant penodol ar atal cam-drin plant yn rhywiol i’r rheiny sy’n gweithio gyda phlant a’u teuluoedd, gan gynnwys sut i adnabod arwyddion cam-drin plant yn rhywiol ac ymateb i’r sefyllfa.
* Gwasanaethau therapiwtig i blant a’u teuluoedd sydd wedi dioddef cam-drin rhywiol .
* Gwasanaethau ymyrrol i oedolion a phobl ifanc â meddyliau neu ymddygiad sy’n destun pryder mewn cysylltiad â phlant.
Gall pleidleiswyr ddarganfod mwy ac ymgysylltu â’r ymgyrch trwy fynd i www.stopitnow.org.uk neu ffonio Rebecca Wasinski ar 07989 378220.
Mae’r ymgyrch, a elwir yn Ymrwymo i Atal! yn caniatáu i aelodau o’r cyhoedd gyfrannu at yr ymgyrch trwy lofnodi deiseb, a lledaenu’r neges trwy eu rhwydweithiau cymdeithasol fel Facebook a Twitter yn ogystal ag oddi ar lein trwy ddefnyddio posteri, llythyrau, taflenni ac ati.
Dywedodd Rheolwr Ymgyrch Genedlaethol Stop it Now! Cymru, Rebecca Wasinski: "Mae’n bwysig bod y pleidiau gwleidyddol yn cofio am bwysigrwydd atal cam-drin plant yn rhywiol wrth iddyn nhw baratoi maniffesto. Mae cam-drin rhywiol yn effeithio ar un ymhob chwech o blant cyn iddynt gyrraedd 16 oed, ac mae’n difrodi cymaint o fywydau. Mae’n hanfodol ein bod ni’n ymegnïo i atal y gamdriniaeth yma. Mae angen strategaeth genedlaethol Cymru-gyfan arnom ni i gynllunio a darparu gwasanaethau a fydd yn cyfrannu’n helaeth tuag at amddiffyn plant. Rydyn ni’n gwybod beth fydd yn helpu, ac mae angen i ni ddechrau darparu’r cymorth yma."
Yn anad dim, mae ymgyrch Ymrwymo i Atal yn galw am:
* Ymgyrch genedlaethol i gynnig gwybodaeth i’r cyhoedd er mwyn cynyddu ymwybyddiaeth o raddfa cam-drin plant yn rhywiol, a’r camau y gall pob un ohonom eu cymryd i’w atal.
* Addysg i rieni a gofalwyr ynglŷn â sut helpu i atal cam-drin plant yn rhywiol, gan gynnwys magu gwytnwch yn y plant, cyfathrebu’n agored ac onest, a gosod a pharchu ffiniau ymddygiad.
* Addysg i blant a phobl ifanc mewn ysgolion a lleoliadau ieuenctid ynglŷn â pharch mewn perthnasau, ffiniau ymddygiad rhywiol, caniatâd a chyffwrdd priodol.
* Hyfforddiant penodol ar atal cam-drin plant yn rhywiol i’r rheiny sy’n gweithio gyda phlant a’u teuluoedd, gan gynnwys sut i adnabod arwyddion cam-drin plant yn rhywiol ac ymateb i’r sefyllfa.
* Gwasanaethau therapiwtig i blant a’u teuluoedd sydd wedi dioddef cam-drin rhywiol .
* Gwasanaethau ymyrrol i oedolion a phobl ifanc â meddyliau neu ymddygiad sy’n destun pryder mewn cysylltiad â phlant.
Gall pleidleiswyr ddarganfod mwy ac ymgysylltu â’r ymgyrch trwy fynd i www.stopitnow.org.uk neu ffonio Rebecca Wasinski ar 07989 378220.
Ffynhonnell:
All Wales Sexual Health Network
